Monday, April 2, 2018

అభిసారికి కడసారి


అభిసారికి కడసారి




సాహితీమిత్రులారా!



"శ్రీశ్రీ" గారి
"ఖడ్గసృష్టి" కవితా సంపుటిలోని
ఈ కవిత చూడండి

ఆకాశంమీద రాకాసికోర
ఏడవకయ్యా పోతావు
కోరచుట్టూ నెత్తుటి చుక్కలు
ఏడవకయ్యా పోతావు

కనుమలోనిది - కొ-కొ-కొ-కొలిమి
వెళ్ళకయ్యా చెడతావు
నీడచూడకు నీకే హాని
సంకేతం నీ శ్మశానం

వింతైనది విహంగం
ఏడవకయ్యా పోతావు
చూపులలోనివి సూదులు
ఎందుకయ్యా పోతావు

పడుచుదనానికి జడుపులేదు
సంకేతం నా సరస్సు
వెళ్ళకు వెళ్ళకు చస్తావు
నాడు నిండిన కోనేరు

ఏమిటి దంతపు చర్మంమీద
ఎర్రని పచ్చని దేదోమచ్చ
లోతులోయలో భూతాలు
కొలిమి నిప్పులో గుర్రాలు
సూదికి కంట్లో సోపానం
కాళ్ళకి కళ్ళూ సంకెళ్ళూ
సంకేతం నీ సాల్వర్సాన్
జలపాతంలో జంఝాటి

                - ప్రతిభ - జులై, 1940

No comments:

Post a Comment